صبحين و ليل نقطة حياه تفصل ما بين سطرين عدم و أنا لسه حي و الليل ف عرفي مملكة بملكها م الراس للقدم فمتسلبوش مني الحياه دي بالغنا فارس أنا ف الليل بكون بادية ماسك مهرتي بامرتي تتشق لي من تحت جلد الراس سما و تنط جوة الجمجمة فكرة جنون ايه لو يكون الصبح ملاكي املك زمامه و سكته و أقول له كون و افرش حصرتين مصطباوي و أنتظر ساعة سكون و أعلن على كل البشر " النص نص دول ميتون" ان الحياه تبدأ بليل و ان النهار ....ف الأصل ليل و ان القمر من جوه..ليل حتى الغنا يبدأ بليل لو كان جميل فمتعدموش الضل ف ميدان السباق و ادوله ريشة و محبرة و ادوله سيف
Comments
حلوة جداً جداً جداً
بس مش عارف ليه أول ماشفتها إفتكرت جوليا روبرتس على طول
لوحة رائعة
انا بأة فكرتني بجنيفر لوبيز
:-)
مودتي